ເພື່ອເປັນການພັນຂະຫຍາຍ ຄຳສັ່ງ ວ່າດ້ວຍການເພີ່ມທະວີແກ້ໄຂບັນຫາຜົນກະທົບ ຈາກລາຄານໍ້າມັນເຊື້ອໄຟ ເລກທີ 40/ນຍ, ລົງວັນທີ 13 ມີນາ 2026. ພ້ອມທັງເປັນການປົກປ້ອງສິດຂອງຜູ້ບໍລິໂພກ ແລະ ຜູ້ດໍາເນີນທຸລະກິດ, ຮັບປະກັນຄວາມຍຸດຕິທຳໃນການໃຫ້ບໍລິການ.
ວັນທີ 06 ຫາ 08/ ເມສາ /2026 ກົມມາດຕະຖານ ແລະ ວັດແທກ, ກະຊວງອຸດສາຫະກໍາ ແລະ ການຄ້າ ໄດ້ລົງກວດກາ ຄຸນນະພາບ ແລະ ບໍລິມາດ ຫົວຈ່າຍນຳ້ມັນເຊື້ອໄຟ ຕາມປຳ້ຈຳໜ່າຍ ໄດ້ທັງໝົດ 20ປ້້ຳ ແລະ 1ສາງ. ຢູ່ເຂດເມືອງ ບໍລິຄັນ ຈຳນວນ 4 ປໍ້າ, ເມືອງ ປາກຊັນ ຈຳນວນ 6 ປໍ້າ,1 ສາງ, ເມືອງ ປາກກະດິງ 8 ປຳ້, ເມືອງປາກງື່ມ 1 ປໍ້າ ແລະ ເມືອງທຸລະຄົມ 1 ປໍ້າ ດັ່ງນີ້:
- ປຳ້ ແດນບໍລິການ ບ້ານ ຫ້ວຍຄູນ ເຊິ່ງແມ່ນສາຂາຂອງ ບໍລິສັດ ເອຊຍ ຈຳກັດ (AP);
- ປຳ້ ຣະພິມພອນ ບ້ານ ໂພນສົມບູນ ເຊິ່ງແມ່ນສາຂາຂອງ ບໍລິສັດທີທີພາວເວີ 45 (TTPOWER);
- ປຳ້ ສີສະຫວາດບໍລິການ ບ້ານ ສີສະຫວາດ ເຊິ່ງແມ່ນສາຂາຂອງ ບໍລິສັດ ສົມວັນຈະເລີນ (SVP);
- ປຳ້ ຂັນຄຳກອງສີສົມບັດຫຼັກ3 ບ້ານ ສີສະຫວາດ ເຊິ່ງແມ່ນສາຂາ ບໍລິສັດ ນໍ້າມັນເຊື້ອໄຟ ດາລາຈະເລີນ ຈຳກັດ (Star Oil);
- ປຳ້ ໝວຍ-ໜຽວ ບໍລິການ ບ້ານ ອານຸສອນໄຊ ເຊິ່ງແມ່ນສາຂາຂອງ ບໍລິສັດ ພະລັງງານບົວສະຫວັນ;
- ປໍ້າ ອິນທະວາ 3 ບໍລິການ ບ້ານ ໂພນສະຫວ່າງ ເຊິ່ງແມ່ນສາຂາຂອງ ບໍລິສັດ ລ້ານຊ້າງ (LP Station);
- ປຳ້ ທີວີເອັສດ (TVS) ບ້ານ ນາເຄືອ ເຊິ່ງແມ່ນສາຂາຂອງ ບໍລິສັດ ນໍ້າມັນເຊື້ອໄຟ ດາລາຈະເລີນ ຈຳກັດ (Star Oil);
- ປຳ້ ພີທີທີ (ລາວ) ຈໍາກັດ ບ້ານ ນໍ້າສາງ ເຊິ່ງແມ່ນສາຂາຂອງ ບໍລິສັດ ພີທີທີ (ລາວ);
- ປຳ້ ຂັນຄຳກອງສີສົມບັດຫຼັກ 2 ບ້ານ ວຽງຄໍາ ເຊິ່ງແມ່ນສາຂາຂອງ ບໍລິສັດ ພລັສ (Petro Trade);
- ປຳ້ ນໍ້າທອນ 2 ບ້ານ ວຽງຄໍາ ເຊິ່ງແມ່ນສາຂາຂອງ ບໍລິສັດ ນໍ້າມັນເຊື້ອໄຟ ດາລາຈະເລີນ ຈໍາກັດ (Star Oil);
- ປຳ້ ນໍ້າທອນ 1 ບ້ານ ນໍ້າທອນ ເຊິ່ງແມ່ນສາຂາຂອງ ບໍລິສັດ ນໍ້າມັນເຊື້ອໄຟ ຫວຽດນາມອອຍ (PV Oil);
- ປຳ້ Coffee ບໍລິການ ບ້ານ ສອນພັນໄຊ ເຊິ່ງແມ່ນສາຂາຂອງ ບໍລິສັດ ລ້ານຊ້າງ (LP Station);
- ປຳ້ ຂັນຄຳກອງສີສົມບັດຫຼັກ 1 ບ້ານ ດອນໄຊ ເຊິ່ງແມ່ນສາຂາຂອງ ບໍລິສັດ ພລັສ (Petro Trade);
- ປຳ້ Petro Trade ບ້ານ ປາກກະດິງເໜືອ ເຊິ່ງແມ່ນສາຂາຂອງ ບໍລິສັດ ພລັສ (Petro Trade);
- ປຳ້ ໂຊກໄຊ ບໍລິການ ບ້ານ ໂພນໄຊໄຕ້ ເຊິ່ງແມ່ນສາຂາຂອງ ລັດວິສາຫະກິດ ນໍ້າມັນເຊື້ອໄຟລາວ;
- ປຳ້ ຄຳໝັ້ນລຸຍຟູຢຸງ ບ້ານ ໂພນໄຊ ເຊິ່ງແມ່ນສາຂາຂອງ ບໍລິສັດ ລ້ານຊ້າງ (LP Station);
- ສາງ ບໍລິສັດ ທີທີພາວເວີ້ 45 (TTPOWER) ບ້ານ ຫົວໄຊ;
- ປໍ້າ ວິພາວະດີ 1 ບ້ານ ໂພນໄຊ ເຊິ່ງແມ່ນສາຂາຂອງ ບໍລິສັດທີທີພາວເວີ 45 (TTPOWER);
- ປຳ້ ພີທີທີ (ລາວ) ຈໍາກັດ ບ້ານ ຫ້ວຍສຽວ ເຊິ່ງແມ່ນສາຂາຂອງ ບໍລິສັດ ພີທີທີ (ລາວ);
- ປຳ້ ປິກນາ ບ້ານ ເວີນກະເປົາ ເຊິ່ງແມ່ນສາຂາຂອງ ບໍລິສັດ ນໍ້າມັນເຊື້ອໄຟ ຫວຽດນາມອອຍ (PV Oil);
- ປໍ້າ ອຸພະໄຊ 5 ບ້ານ ໂພນໂຮງນາຝາຍ ເຊິ່ງເປັນສາຂາຂອງ ລັດວິສາຫະກິດ ນໍ້າມັນເຊື້ອໄຟລາວ.
ຜ່ານການກວດກາ ຄຸນນະພາບຕົວຈິງ ເຫັນວ່າ ນໍ້າມັນກະຊວນ ແລະ ແອັດຊັງ ແມ່ນໄດ້ຄຸນນະພາບ ຕາມມາດຕະຖານແຫ່ງຊາດ ທີ່ກຳນົດໄວ້. ຜ່ານການກວດສອບ ບໍລິມາດ ຫົວຈ່າຍນໍ້າມັນເຊື້ອໄຟຕົວຈິງ ເຫັນວ່າ ນໍ້າມັນກະຊວນ ແລະ ແອັດຊັງ ບາງປຳ້ຍັງມີຫົວຈ່າຍຈຳນວນໜຶ່ງແມ່ນບໍ່ນອນຢູ່ໃນຄ່າອະນຸຍາດ ± 25 ml, ແຕ່ກວດສະພາບຕູ້ຈ່າຍມີການໜີບກົ່ວລ໋ອກຊິນຂອງພະແນກອຸສາຫະກຳການຄ້າ ແຂວງ, ນະຄອນຫຼວງ ຍັງຢູ່ໃນສະພາບປົກກະຕິ ເມືອມີການໃຊ້ງານປະຈຳອາດເຮັດໃຫ້ຫົວຈ່າຍມີການອ່ານຄ່າຫຼຸດລົງ. ດັ່ງນັ້ນ ຈິ່ງໄດ້ເຮັດບົດບັນທຶກກ່າວເຕືອນ ແລະ ແຈ້ງພາກສ່ວນຮັບຜິດຊອບມາປັບຄ່າໃຫ້ຢູ່ໃນຄ່າອະນຸດທີ່ກຳນົດໄວ, ຫາກພົບເຫັນຄວາມຜິດປົກກະຕິ ຫຼື ສົງໄສ ກ່ຽວກັບຄຸນນະພາບ ແລະ ບໍລິມາດ ຫົວຈ່າຍນໍ້າມັນເຊື້ອໄຟ ຜູ້ຊົມໃຊ້ສາມາດໂທແຈ້ງສາຍດ່ວນ 1513 (ບໍລິການຟຣີ).
