ການປະເມີນຄວາມສອດຄ່ອງແມ່ນວິທີການທີ່ຖືກຍອມຮັບໃນທົ່ວໂລກ ເພື່ອຊີ້ໃຫ້ເຫັນວ່າເງື່ອນໄຂທີ່ກຳນົດລະອຽດ ທີ່ພົວພັນເຖິງສິນຄ້າ, ຂະບວນການຜະລິດ, ລະບົບການຜະລິດ ຫລື ບຸກຄົນ ແມ່ນປະຕິບັດຕາມລະບຽບທີ່ວາງອອກ, ຊຶ່ງຊີ້ໃຫ້ເຫັນວ່າລະບຽບກົດໝາຍໄດ້ຮັບການຈັດຕັ້ງປະຕິບັດ , ການປະເມີນຄວາມສອດຄ່ອງມີບົດບາດອັນສຳຄັນໃນການພັດທະນາແບບຍືນຍົງ ແລະ ການຄ້າ.
ຈຸດປະສົງຂອງການປະເມີນຄວາມສອດຄ່ອງແມ່ນເພື່ອສ້າງຄວາມເຊື່ອໝັ້ນ ໃຫ້ແກ້ຜູ້ນຳໃຊ້ວ່າ ເງື່ອນໄຂນຳໃຊ້ຕໍ່ສິນຄ້າ, ການບໍລິການ, ແລະ ລະບົບການຜະລິດ ແມ່ນສາມາດປະຕິບັດໄດ້. ຄວາມເຊື່ອໝັ້ນດັ່ງກ່າວ ໃນທາງກັບກັນ ປະກອບສວ່ນໂດຍກົງ ໃນການຍອມຮັບສິນຄ້າ, ການບໍລິການ, ແລະ ລະບົບການຜະລິດ ເຫລົ່ານັ້ນພາຍໃນຕະຫຼາດ. ຄວາມເຊື່ອໝັ້ນຂອງ ຜູ້ນຳໃຊ້ສາມາດ ໄດ້ຈາກການຮ່ວມມືລະຫວ່າງ ພາກສ່ວນປະເມີນຄວາມສອດຄ່ອງ ແລະ /ຫລື ພາກສ່ວນທີ່ຖືກຮັບຮູ້, ເຊິ່ງ ມີການຍອມຮັບທັງສອງຝ່າຍ ແລະ ມີການສົ່ງເສີມທຸກໆວຽກງານຂອງຜູ້ມີສ່ວນຮ່ວມຢູ່ຕາມຊາຍແດນ. ຂັ້ນຕອນການດຳ ເນີນການປະເມີນຄວາມສອດຄ່ອງ ແມ່ນຂະບວນການທາງດ້ານເຕັກນິກ ເຊັ່ນ: ການທົດສອບ, ການສຳຫຼວດ, ການກວດສອບ, ການພິສູດ, ແລະ ການຮັບຮອງເອົາການຢັ້ງຢືນວ່າ ສິນຄ້ານັ້ນຖືກຕ້ອງຕາມເງື່ອນໄຂ ລະບຽບການ ແລະ ມາດຕະ ຖານ ທີ່ວາງໄວ້.
