Author name: Qcic

ໃນວັນທີ 03 ເມສາ 2026, ກົມມາດຕະຖານ ແລະ ວັດແທກ, ກະຊວງອຸດສາຫະກຳ ແລະ ການຄ້າ ໄດ້ຈັດກອງປະຊຸມຮັບຮອງຮ່າງມາດຕະຖານແຫ່ງຊາດ ດ້ານຜະລິດຕະພັນເຊື້ອໄຟ ແລະ ອາຍແກັສ 02 ສະບັບ ແລະ ດ້ານຜະລິດຕະພັນກະສິກຳ ຈຳນວນ 04 ສະບັບ. ກອງປະຊຸມໄດ້ໄຂຂຶ້ນທີ່ໂຮງແຮມຄຣາວພາຊ່າ ໂດຍການເປັນປະທານຂອງ ທ່ານ ປອ ມະໂນທອງ ວົງໄຊ ຮອງລັດຖະມົນຕີກະຊວງອຸດສາຫະກຳ ແລະ ການຄ້າ, ປະທານສະພາມາດຕະຖານແຫ່ງຊາດ ເຊິ່ງມີຄະນະກຳມະການສະພາມາດຕະຖານແຫ່ງຊາດ, ຫົວໜ້າກົມ, ຮອງກົມ, ຫົວໜ້າພະແນກ, ຮອງພະແນກ ແລະ ວິຊາການ ລວມທັງໝົດ 40 ເຂົ້າຮ່ວມ. ກອງປະຊຸມໄດ້ມີການລາຍງານກ່ຽວກັບສະພາບລວມຂອງການຈັດຕັ້ງປະຕິບັດວຽກງານສ້າງມາດຕະຖານ ແລະ ຜ່ານຮ່າງມາດຕະຖານ ທັງໝົດ 06 ສະບັບ ເຊິ່ງປະກອບມີມາດຕະຖານ ດັດແກ້ 01 ສະບັບ ແລະ ສ້າງໃໝ່ 05 ສະບັບ

ໃນຕອນເຊົ້າວັນທີ 24 ມີນາ 2026, ກົມມາດຕະຖານ ແລະ ວັດແທກ, ກະຊວງອຸດສາຫະກຳ ແລະ ການຄ້າ ໄດ້ເຂົ້າຮ່ວມກອງປະຊຸມທາງໄກ ເພື່ອປຶກສາຫາລື ກັບ ສະຖາບັນຄົ້ນຄວ້າມາດຕະຖານ ແລະ ເຕັກໂນໂລຊີ ແຂວງກວາງຊີ ສປ. ຈີນ. ກອງປະຊຸມໄດ້ໃຫ້ກຽດເປັນປະທານໂດຍ ທ່ານ ສຸກອາລົມ ໂສສຸພັນ, ຮອງຫົວໜ້າກົມມາດຕະຖານ ແລະ ວັດແທກ ພ້ອມດ້ວຍ ຫົວໜ້າພະແນກ, ຮອງພະແນກ ແລະ ວິຊາການ ພະແນກມາດຕະຖານແຫ່ງຊາດ ໄດ້ຮ່ວມປະຊຸມ. ຈຸດປະສົງກອງປະຊຸມ ແມ່ນ ເພື່ອປຶກສາຫາລື ກ່ຽວກັບ ແຜນການຮ່ວມມື ວຽກງານມາດຕະຖານ ຂອງ ສ ປປ ລາວ ກັບ ສະຖານບັນຄົ້ນຄວ້າມາດຕະຖານ ແລະ ເຕັກໂນໂລຊີ ແຂວງກວາງຊີ. ກອງປະຊຸມໄດ້ປຶກສາຫາລື ກ່ຽວກັບ ຂອບເຂດການຮ່ວມມື ສຶກສາ, ຄົ້ນຄວ້າ, ທຳຄວາມເຂົ້າໃຈ ແລະ