ໃນວັນທີ 9 ສິງຫາ 2019 ສູນຢັ້ງຢືນມາດຕະຖານ ແລະ ກວດກາຄຸນນະພາບແຫ່ງຊາດ, ກົມມາດຕະຖານ ແລະ ວັດແທກ ໄດ້ສົມທົບກັບຄະນະກໍາມະການເຕັກນິກກວດວັດສະດຸກໍ່ສ້າງແຫ່ງຊາດ ແລະ ພະແນກວິທະຍາສາດ ແລະ ເຕັກໂນໂລຊີແຂວງວຽງຈັນ ໃນການລົງເຮັດວຽກທີໂຮງງານຊີມັງວັງວຽງຫລັງ2 ອີງຕາມໃບຄໍາຮ້ອງສະເຫນີ ການນໍາໃຊ້ກາຫມາຍມາດຕະຖານ ແຫ່ງຊາດ ແລະ ໃບຄໍາຮ້ອງຂໍຂື້ນທະບຽນຜະລິດຕະພັນ ຂອງບໍລິສັດ ຈຸດປະສົງ ເພື່ອປະຕິບັດຕາມຂັ້ນຕອນ, ລະບຽບການນໍາໃຊ້ກາຫມາຍມາດຕະຖານແຫ່ງຊາດໃຫ້ຖືກຕ້ອງ ແລະ ສອດຄ່ອງກັບລະບຽບການ ພ້ອມທັງເປັນການເກັບກໍາສະພາບການ ແລະ ປັບປຸງຄຸນນະພາບຜະລິດຕະພັນຊີມັງໃນການກໍ່ສ້າງໃຫ້ສອດຄ່ອງກັບສະພາບການນໍາໃຊ້ກາຫມາຍມາດຕະຖານແຫ່ງຊາດ ທີ່ບ້ານ ຂັນຫມາກ ເມືອງວັງວຽງ ແຂວງວຽງຈັນ.