ໜ່ວຍພັກ ກົມມາດຕະຖານ ແລະ ວັດແທກ ໄດ້ດຳເນີນຊີວິດການເມືອງປະເມີນໜ່ວຍພັກ ປອດໃສ ເຂັ້ມແຂງ ໜັກແໜ້ນ ປະຈຳປີ 2020
ໃນວັນທີ 12 ພະຈິກ 2020 ໜ່ວຍພັກກົມມາດຕະຖານ ແລະ ວັດແທກໄດ້ຈັດກອງປະຊຸມ ປະເມີນໜ່ວຍ ພັກປອດໃສເຂັ້ມແຂງໜັກແໜ້ນຂຶ້ນທີ່ຫ້ອງປະຊຸມ ສະຖາບັນຄຸ້ມຄອງວິທະຍາສາດ ແລະ ເຕັກໂນໂລຊີໂດຍເຂົ້າຮ່ວມ ແລະ ເປັນປະທານຂອງ ສະຫາຍ ວຽງທອງ ວົງທະວິໄລ ເລຂາໜ່ວຍພັກກົມມາດຕະຖານ ແລະ ວັດແທກ ມີຄະນະ ໜ່ວຍພັກ, ຫ້ອງການພັກກະຊວງ, ກົມກວດກາ ເຂົ້າຮ່ວມ ແລະ ມີສະມາຊິກພາຍໃນໜ່ວຍທັງໝົດ 69 ສະຫາຍ, ຍິງ 18 ສະຫາຍ, ສະມາຊິກພັກສົມບູນ 50 ສະຫາຍ, ຍິງ 15 ສະຫາຍ, ສະມາຊິກພັກສຳຮອງ 19 ສະຫາຍ, ຍິງ 03 ສະຫາຍ ແລະ ມີສະມາຊິກພັກປະຈຳຢູ່ດ່ານກວດກາຄຸນນະພາບນ້ຳມັນເຊື້ອໄຟກໍ່ໄດ້ເຂົ້າຮ່ວມທາງອອນໄລ
ສະຫາຍ ວຽງທອງ ວົງທະວິໄລ ໄດ້ກ່າວຈຸດປະສົງການປະເມີນໜ່ວຍພັກປອດໃສເຂັ້ມແຂງໜັກແໜ້ນ ປີ 2020ແມ່ນເພື່ອສືບຕໍ່ເສີມຂະຫຍາຍມູນເຊື້ອອັນດີງາມ ດ້ານດີ ແລະ ປັບປຸງແກ້ໄຂຈຸດອ່ອນ ແລະ ຂໍ້ຄົງຄ້າງ ແນໃສ່ ເຊີດຊູບົດບາດຄວາມສາມາດນຳພາຂອງໜ່ວຍພັກ ແລະ ຍົກສູງຄວາມເປັນແບບ ຢ່າງນຳໜ້າຂອງຖັ້ນແຖວ ສະມາຊິກ ພັກຮັບປະກັນໃຫ້ພັກປອດໃສເຂັ້ມແຂງ, ໜັກແໜ້ນເພື່ອຍົກສູງຄຸນນະພາບຂອງໜ່ວຍພັກ ແລະ ສະມາຊິກພັກ ໃຫ້ ມີການຜັນປ່ຽນຢ່າງຕັ້ງໜ້າດ້ວຍບາດກ້າວບຸກທະລຸສາມາດເປັນແກນນຳທີ່ເຂັ້ມແຂງໃນລະບົບການເມືອງຢູ່ ໜ່ວຍ ພັກ, ກອງປະຊຸມກໍ່ໄດ້ມີການຜ່ານໃບສຳຫຼວດຂອງສະຫາຍສະມາຊິກພັກສົມບູນແຕ່ລະສະຫາຍ ແລະ ພ້ອມກັບປະກອບຄຳ ເຫັນຢ່າງຕັ້ງໜ້າ ແລະ ສ້າງສັນ, ກອງປະຊຸມໄດ້ຜ່ານໃບສຳຫຼວດຂອງຄະນະໜ່ວຍພັກແຕ່ລະຈຸແຕ່ລະສະຫາຍ ແລະ ໄດ້ພ້ອມ ກັນປະກອບຄຳເຫັນໃຫ້ຄະນະໜ່ວຍພັກຕາມ 5 ເນື້ອໃນ ຈາກນັ້ນກໍ່ໄດ້ຜ່ານບົດສະຫຼຸບ ຕີລາຄາການກໍ່ສ້າງ ໜ່ວຍພັກ ປອດໃສເຂັ້ມແຂງໜັກແໜ້ນປີ 2020 ແລະ ປະກອບຄຳເຫັນໃສ່ບົດສະຫຼຸບ ສາມາດສະຫຼຸບຜົນການ ປະເມີນ ຂອງສະມາຊິກພັກ ແລະ ໜ່ວພັກໄດ້ດັ່ງນີ້:
- ໜ່ວຍພັກມີສະມາຊິກພັກທັງໝົດ 68ສະຫາຍ, ຍິງ15ສະຫາຍ ໄດ້ປະເພດແຂງທັງໝົດກວມເອົາ 100%
- ໜ່ວຍພັກມີຄະແນນລວມ 9,5 ຄະແນນ
- ຈັດປະເພດໜ່ວຍພັກ :ປະເພດ ແຂງ
ການປະເມີນຜົນການຈັດຕັ້ງປະຕິບັດໜ້າທີ່ສະມາຊິກພັກພາຍໃນໜ່ວຍພັກ ແລະ ຜົນສຳເລັດການ ນຳພາຂອງ ໜ່ວຍພັກຄະນະໜ່ວຍພັກ, ສະມາຊິກພັກພາຍໃນໜ່ວຍເປັນເອກະພາບກັນສະເໜີອົງຄະນະພັກກະຊວງວິທະຍາສາດ ແລະ ເຕັກໂນໂລຊີ ພິຈາລະນາຮັບຮອງເປັນໜ່ວຍພັກປອດໃສ ເຂັ້ມແຂງ ໜັກແໜ້ນ ປະຈຳປີ2020 ກອງປະຊຸມ ດຳ ເນີນມາເປັນເວລາ 1 ວັນເຄິ່ງ ແລະ ໄດ້ປິດລົງດ້ວຍຜົນສຳເລັດ.
