ໃນວັນທີ 7-11 ມີນາ 2022 ກົມມາດຕະຖານ ແລະ ວັດແທກ, ກະຊວງອຸດສະຫະກຳ ແລະ ການຄ້າ ໄດ້ມີການຈັດກອງປະຊຸມຝຶກອົບຮົມກ່ຽວກັບການສ້າງຄວາມເຂັ້ມແຂງມາດຕະຖານສາກົນ ISO/IEC 17065:2012 ກ່ຽວກັບຂໍ້ກຳນົດທົ່ວໄປໃນການຮັບຮອງໜ່ວຍງານຢັ້ງຢືນຜະລິດຕະພັນ: General Requirement 17065:2012 ໃຫ້ແກ່ພະນັກງານງານພາຍໃນກົມ ແລະ ພາກສ່ວນທີ່ກ່ຽວຂ້ອງ ຢູ່ທີ່ໂຮງແຮມເມືອງແທັງ, ນະຄອນຫຼວງວຽງຈັນ.ໂດຍໃຫ້ກຽດເປີດພິທີກອງປະຊຸມຝຶກອົບຮົມໂດຍ ທ່ານວຽງທອງ ວົງທະວິໄລ ຫົວໜ້າກົມມາດຕະຖານ ແລະ ວັດແທກ, ກະຊວງອຸດສະຫະກຳ ແລະ ການຄ້າ, ພ້ອມດຽວກັນນັ້ນກໍຍັງໄດ້ຮັບກຽດເຂົ້າຮ່ວມໂດຍ ທ່ານ ອິຊິ ເຮັນສ໌ປີເຕີ ,ຊ່ຽວຊານປະຈຳໂຄງການ PTB ແຫ່ງປະເທດເຢຍລະມັນ, ພ້ອມດ້ວຍພະນັກງານວິຊາການຈາກກົມມາດຕະຖານ ແລະ ວັດແທກ ແລະ ພາກສ່ວນທີ່ກ່ຽວຂ້ອງທັງພາກລັດ ແລະ ເອກະຊົນເຂົ້າຮ່ວມນຳ.
ຈຸດປະສົງຂອງການຈັດກອງປະຊຸມຝຶກອົບຮົມໃນຄັ້ງນີ້ເພື່ອສ້າງຄວາມເຂັ້ມແຂງ, ຍົກລະດັບຄວາມຮູ້ຄວາມສາມາດ ແລະ ຄວາມເຂົ້າໃຈກ່ຽວກັບມາດຕະຖານສາກົນ ISO/IEC 17065:2012, ພ້ອມດຽວກັນນັ້ນກໍເພື່ອເປັນການສ້າງພະນັກງານພາຍໃນກົມ ແລະ ພາກສ່ວນທີ່ກ່ຽວຂ້ອງໃຫ້ກາຍເປັນຫົວໜ້າທີມ ແລະ ນັກປະເມີນທີ່ດີ, ມີຄວາມສຳນານໃນລະບົບການຢັ້ງຢືນ ແລະ ສາມາດໃຫ້ການບໍລິການຢັ້ງຢືນຜະລິດຕະພັນຕ່າງໆໃຫ້ພາກສ່ວນທີ່ກ່ຽວຂ້ອງໄດ້ຢ່າງມີປະສິດຕິພາບ ແລະ ສອດຄ່ອງກັບມາດຕະຖານສາກົນທັງເປັນຜົົນດີໃຫ້ແກ່ການຄຸ້ມຄອງວຽກງານມາດຕະຖານ ແລະ ວັດແທກອີກດ້ວຍ.
ກອງປະຊຸມຝຶກອົບຮົມແມ່ນຈະໄດ້ດຳເນີນໄປເປັນເວລາ 5ວັນຈື່ງຈະສຳເລັດລົງ.
