ໃນວັນທີ 2 ມີຖຸນາ 2022 ກົມມາດຕະຖານ ແລະ ວັດແທກ, ສູນກວດສອບຄຸນນະພາບແບບບໍ່ທຳລາຍໄດ້ຈັດພິທີມອບໃບຍັ້ງຢືນຄຸນນະພາບເຄື່ອງເອັກສະເລທາງການແພດໃຫ້ແກ່ໂຮງໝໍນະຄອນຫຼວງແກຣນ ຢູ່ທີ່ຫ້ອງປະຊຸມ ກົມມາດຕະຖານ ແລະ ວັດແທກ, ເຊີ່ງໃຫ້ກຽດເປັນປະທານ ແລະ ມອບໃບຍັ້ງຢືນ ໂດຍ ທ່ານ ນາງ ນິສິດ ຄຳມູນເຮືອງ ຮອງຫົວໜ້າກົມມາດຕະຖານ ແລະ ວັດແທກ ແລະ ຮັບໂດຍຜູ້ຕາງໜ້າຈາກໂຮງໝໍນະຄອນຫຼວງແກຣນ ພ້ອມທັງພະນັກງານພາຍໃນກົມ, ສູນກວດສອບຄຸນນະພາບແບບບໍ່ທໍາລາຍເຂົ້າຮ່ວມ.
ວຽກງານກວດສອບຄຸນນະພາບເຄື່ອງເອັກສະເລທາງການແພດ ແມ່ນເພື່ອເຮັດໃຫ້ມີຄວາມຖືກຕ້ອງ, ຊັດເຈນ, ມີຄຸນນະພາບ, ບໍ່ໃຫ້ເກີນຕາມມາດຕະຖານກໍານົດ ແລະ ຄວາມປອດໄພດ້ານລັງສີຕໍ່ພະນັກງານທີ່ນໍາໃຊ້ເຄື່ອງເອັກສະເລ ແລະ ບັນດາຄົນເຈັບທີ່ມາໃຊ້ບໍລິການ ພ້ອມທັງເປັນການຊຸກຍູ້ສົ່ງເສີມໃຫ້ພາກສວນໂຮງໝໍ ແລະ ຄຣີນິກຕ່າງໆທີ່ໃຫ້ບໍລິການເຄື່ອງເອັກສະເລທີ່ມີຄຸນນະພາບ, ໄດ້ມາດຕະຖານ, ມີຄວາມປອດໄຟຕໍ່ຜູ້ຊົມໃຊ້ ແລະ ສິ່ງແວດລ້ອມ ພ້ອມນັ້ນຍັງເປັນການສ້າງຄວາມເຊື່ອໝັ້ນ ແລະ ຄວາມໄວ້ວາງໃຈຂອງຄົນເຈັບທີ່ມາໃຊ້ບໍລິການ.
