Author name: Dosm2024

ໃນລະຫວ່າງວັນທີ 28 ກັນຍາ – 01 ຕຸລາ 2026, ພະນັກງານຂອງສູນວັດແທກແຫ່ງຊາດ, ກົມມາດຕະຖານ ແລະ ວັດແທກ, ກະຊວງ ອຸດສາຫະກໍາ ແລະ ການຄ້າ ເຂົ້າຮ່ວມກອງປະຊຸມຝຶກອົບຮົມກ່ຽວກັບ”ວຽກງານກວດທຽບຊິງຊັ່ງອັດຕະໂນມັດແບບສາຍພານ “ (Training Course on Verification of Automatic Catchweighing Instruments) ເຊິ່ງໄດ້ຈັດຂຶ້ນທີ່ປະເທດມາເລເຊຍ, ພາຍໃຕ້ໂຄງການຮ່ວມມືລະຫວ່າງ ASEAN-PTB 2026. ຈຸດປະສົງ ແມ່ນເພື່ອເປັນການສ້າງຄວາມເຂັ້ມແຂງທາງດ້ານວຽກງານວັດແທກຂອງບັນດາປະເທດສະມາຊິກອາຊຽນ ໃນວຽກງານການກວດທຽບຊິງຊັ່ງອັດຕາໂນມັດແບບສາຍພານ ທີ່ຮັບໃຊ້ໃນຂະບວນການຜະລິດສິນຄ້າ ໃນຂະແຫນງການປຸງແຕ່ງອຸດສາຫະກໍາປະເພດອາຫານ ແລະ ເຄື່ອງດື່ມ, ຮັບໃຊ້ໃນລະບົບຂົນສົ່ງຂອງບໍລິສັດຂົນສົ່ງພັດສະດຸ ແລະ ອື່ນໆ ໂດຍອີງໄສ່ເງື່ອນໄຂ, ຄູ່ມືແນະນໍາຂອງອາຊຽນ ແລະ ເອກະສານ OIML R 51 , ເພື່ອຝຶກປະຕິບັດຂັ້ນຕອນ ແລະ ວິທີການທົດສອບ, ກໍານົດ ແລະ ປະເມີນຄ່າຄາດເຄື່ອນຂອງການຊັ່ງ ທຽບກັບຄ່າຄາດເຄື່ອນສູງສຸດທີ່ອະນຸຍາດ (Maximum

ກົມມາດຕະຖານ ແລະ ວັດແທກ ໄດ້ແຕ່ຕັ້ງໜ່ວຍສະເພາະກິດລົງເຄື່ອນໄຫວວຽກງານກວດສອບລົດບັນທຸກນ້ຳມັນເຊື້ອໄຟ ຢູ່ໃນຂອບເຂດທົ່ວປະເທດ.  ໃນລະຫວ່າງວັນທີ 20 ກັນຍາ 2026 ຫາ 04 ຕຸລາ 2026 ກົມມາດຕະຖານ ແລະ ວັດແທກ ສົມທົບກັບ ພະແນກອຸດສາຫະກຳ ແລະ ການຄ້າແຂວງ ພ້ອມດ້ວຍບັນດາຜູ້ປະກອບການລົດບັນທຸກນ້ຳມັນເຊື້ອໄຟເຂົ້າຮ່ວມ ໄດ້ລົງກວດສອບລົດບັນທຸກນ້ຳມັນເຊື້ອໄຟ 4 ແຂວງພາກໃຕ້ ເຊິ່ງມີ: ແຂວງສາລະວັນ, ແຂວງເຊກອງ, ອັດຕະປື ແລະ ແຂວງຈຳປາສັກ.   ໃນການລົງກວດສອບແມ່ນສາມາດຕໍ່ໃບຢັ້ງຢືນລົດບັນທຸກນ້ຳມັນເຊື້ອໄຟທັງໝົດ 62 ຄັນ, 8 ບໍລິສັດ ດັ່ງນີ້:  ຜ່ານການກວດສອບແມ່ນເຫັນໄດ້ວ່າລົດບັນທຸກນ້ຳມັນເຊື້ອໄຟແມ່ນຢູ່ໃນເກນມາດຕະຖານຕາມລະບຽບການໄດ້ວາງອອກ.

ກົມມາດຕະຖານ ແລະ ວັດແທກ ຊຸກຍູ້ ແລະ ສົ່ງເສີມຜູ້ປະກອບການເຂົ້າເຖິງມາດຕະຖານແຫ່ງຊາດ ເພື່ອຍົກລະດັບສິນຄ້າ ແລະ ສ້າງໂອກາດທາງເສດຖະກິດ ຢູ່ທີ່ແຂວງສະຫວັນນະເຂດ ແຫຼ່ງທີ່ມາ ຂ່າວສານອອນລາຍ/TVsavannakhet

ໃນວັນທີ 04 ກັນຍາ 2026 ກົມມາດຕະຖານ ແລະ ວັດແທກ, ກະຊວງອຸດສາຫະກຳ ແລະ ການຄ້າ ໄດ້ຈັດກອງປະຊຸມປຶກສາຫາລື ກ່ຽວກັບ ການຜ່ານຮ່າງຂໍ້ຕົກລົງວ່າດ້ວຍການປົກປ້ອງຜູ້ຊົມໃຊ້ຂົງເຂດວຽກງານມາດຕະຖານ ແລະ ວັດແທກ ຄັ້ງທີ່ I ຢູ່ທີ່ຫ້ອງປະຊຸມ ຂອງກົມມາດຕະຖານ ແລະ ວັດແທກ ໂດຍການເປັນປະທານຂອງ ທ່ານ ວຽງຄຳ ສິງສອນໄຊ ຮອງຫົວໜ້າກົມມາດຕະຖານ ແລະ ວັດແທກ. ກອງປະຊຸມຈະໄດ້ພ້ອມກັນປຶກສາຫາລື ແລະ ຄົ້ນຄ້ວາປະກອບຄໍາເຫັນໃສ່ຮ່າງຂໍ້ຕົກລົງວ່າດ້ວຍການປົກປ້ອງຜູ້ຊົມໃຊ້ຂົງເຂດວຽກງານມາດຕະຖານ ແລະ ວັດແທກ.      ຂໍ້ຕົກລົງສະບັບນີ້ ກໍານົດຫຼັກການ, ລະບຽບການ ແລະ ມາດຕະການກ່ຽວກັບການຈັດຕັ້ງ ປະຕິບັດວຽກງານ ເພື່ອຄຸ້ມຄອງຜູ້ປະກອບການ ແລະ ປົກປ້ອງຜູ້ຊົມໃຊ້ຜະລິດຕະພັນ, ສິນຄ້າ ແລະ  ການບໍລິການ ຂົງເຂດມາດຕະຖານ ແລະ ວັດແທກໃຫ້ມີຜະລິດຕະພັນ, ສິນຄ້າ ທີ່ມີຄຸນນະພາບ, ຖືກຕ້ອງຕາມລະບຽບການ, ລະບຽບເຕັກນິກ ແລະ ມາດຕະຖານແຫ່ງຊາດ

ໃນວັນທີ່ 17 /8/ 2026 ກົມມາດຕະຖານ ແລະ ວັດແທກ, ກະຊວງອຸດສາຫະກຳ ແລະ ການຄ້າ ຮ່ວມກັບ ສະຖາບັນຄົ້ນຄວ້າມາດຕະຖານ ແລະ ເຕັກໂນໂລຊີເຂດປົກຄອງຕົນເອງຊົນເຜົ່າຈ້ວງກວາງຊີ ໄດ້ຈັດພິທີລົງນາມ“ບົດບັນທຶກຄວາມເຂົ້າໃຈ(MOU) ກ່ຽວກັບການຮ່ວມມືດ້ານວຽກງານມາດຕະຖານ”ນຳພາໂດຍ ທ່ານ ສຸກອາລົມ ໂສສຸພັນ, ຮອງຫົວໜ້າກົມມາດຕະຖານ ແລະ ວັດແທກ (ຜູ້ຕາງຫນ້າກົມ) ແລະ ທ່ານ ນາງ ໄຊຊູຜີງ, ຫົວໜ້າສະຖາບັນຄົ້ນຄວ້າມາດຕະຖານ ແລະ ເຕັກໂນໂລຊີ ກວາງຊີ ທັງສອງຝ່າຍໄດ້ຮ່ວມກັນທົບທວນຜົນການຮ່ວມມືທີ່ຜ່ານມາ ລວມມີ : 1) ການສ້າງ ແລະ ແລກປ່ຽນຄວາມຮູ້ດ້ານມາດຕະຖານ ແລະ ເຕັກໂນໂລຊີ ໃນຂົງເຂດກະສິກຳ ແລະ ວັດສະດຸກໍ່ສ້າງ ແລະ ອື່ນໆ ພ້ອມສະຫລຸບຜົນງານຜ່ານມາ ; 2) ການພັດທະນາບຸກຄະລາກອນ ໃນຂົງເຂດມາດຕະຖານ ນອກຈາກນີ້ ທັງສອງຝ່າຍກໍໄດ້ວາງທິດທາງຮ່ວມມືໃນຕໍ່ໜ້າ ເພື່ອແນ່ໃສ່ການຜັນຂະຫຍາຍ MOU ເພີ່ມເຕີມ

ກົມມາດຕະຖານ ແລະ ວັດແທກ ຈັດກອງປະຊຸມປຶກສາຫາລື​ກ່ຽວກັບ ແຜນພັດທະນາພຶ້ນຖານໂຄງລ່າງດ້ານຄຸນນະພາບແຫ່ງຊາດ (National Quality Infrastructure)​ ​ໃນ​​ວັນ​ທີ 17ກໍລະກົດ 2026 ໃນ​ວັນ​ທີ 17 ​ກໍລະກົດ 2026 ກົມ​ມາດຕະຖານ ​ແລະ ວັດ​​ແທກ, ກະຊວງອຸດສາຫະກຳ ແລະ ການຄ້າ ໄດ້ຮ່ວມຈັດກອງປະຊຸມປຶກສາຫາລືກ່ຽວກັບແຜນພັດທະນາພຶ້ນຖານໂຄງລ່າງດ້ານຄຸນນະພາບແຫ່ງຊາດ (National Quality Infrastructure)​. ໃຫ້​ກຽດເປັນປະທານກ່າວ​ເປີ​ດກອງ​ປະຊຸມ​ໂດຍ ທ່ານ ສີສັງຄົມ ໂຄດໂຍທາ ຫົວໜ້າ​             ກົ​ມມາດຕະຖານ ​ແລະ ວັດ​ແທກ, ກະຊວງອຸດສະຫະກຳ ແລະ ການຄ້າ, ພ້ອມດ້ວຍການເປັນປະທານຮ່ວມໂດຍ ທ່ານ  ແຄັສໂຊ ກຣີຊັນ (Mr. Cashel Gleeson)ທ່ານອຸປະທູດ ສະຖານທູດອັງກິດປະຈຳລາວ ແລະ ທ່ານ ກຣາແຮມ ຣັດແຊວ ເອັມບີອີ (Mr. Graham Russell MBE), ຫົວໜ້າຫ້ອງການມາດຕະຖານ ແລະ ຄວາມປອດໄພ ຜະລິດຕະພັນ ແຫ່ງປະເທດອັງກິດ(OPSS-BSI) ຜູ້ເຂົ້າຮ່ວມຈາກທັງພາກລັດ ແລະ ເອກະຊົນທີ່ກ່ຽວຂ້ອງ. ກອງປະຊຸມໃນຄັ້ງນີ້ກົມ​ມາດຕະຖານ ​ແລະ ວັດ​​ແທກ, ກະຊວງອຸດສາຫະກຳ ແລະ ການຄ້າ ໃນນາມເປັນຂະແຫນງການທີ່ຮັບຜິດຊອບຈັດຕັ້ງປະຕິບັດແຜນງານການພັດທະນາວຽກງານມາດຕະຖານ ແລະ ຄຸນນະພາບ ພາຍໃຕ້ຄະນະກຳມະທິການທີ່ປຶກສາດ້ານມາດຕະຖານ ແລະ ຄຸນນະພາບອາຊຽນ (ACCSQ) ໃນແຜນງານການເຊື່ອມຈອດປະຊາຄົມເສດຖະກິດອາຊຽນ ໂດຍໄດ້ຮັບການສະຫນັບສະຫນູນຈາກກອບການຮ່ວມມື  ASEAN-UK Economic intergration programme (EIP) ຕາມແຜນງານຂອງ ( Regulatory Reform

ໃນລະວ່າງວັນທີ 25 ຫາ 26 ມິຖຸນາ 2026 ຢູ່ທີ່ຫ້ອງປະຊຸມວັງເຍົາວະຊົນ, ນະຄອນຫຼວງວຽງຈັນ ກົມມາດຕະຖານ ແລະ ວັດແທກ ໄດ້ຈັດກອງປະຊຸມສະຫຼຸບການການຈັດຕັ້ງປະຕິບັດວຽກງານມາດຕະຖານ ແລະ ວັດແທກ ແລະ ແບ່ງຂັ້ນຄຸ້ມຄອງ ລະຫວ່າງ ສູນກາງ ແລະ ທ້ອງຖິ່ນຖອດຖອນບົດຮຽນການຈັດຕັ້ງປະຕິບັດວຽກງານມາດຕະຖານ ແລະ ວັດແທກ ໃນຂອບເຂດທົ່ວປະເທດ ໂດຍໃຫ້ກຽດ​ເປັນ​ປະທານ ​ຂອງທ່ານ ປອ ມະໂນທອງ ວົງໄຊ ຮອງລັດຖະມົນຕີກະຊວງອຸດສາຫະກໍາ ແລະ ການຄ້າ ມີຫົວໜ້າກົມມາດຕະຖານ ແລະ ວັດແທກ ພ້ອມດ້ວຍຄະນະ, ຫົວໜ້າຫ້ອງການ, ກົມ, ສະຖາບັນພາຍໃນກະຊວງ, ຫົວໜ້າພະແນກອຸດສາຫະກໍາ ແລະ ການຄ້າ 17 ແຂວງ ແລະ 1 ນະຄອນຫຼວງ ພ້ອມດ້ວຍພະນັກງານວິຊາການມີຜູ້ເຂົ້າຮ່ວມທັງໝົດຈໍານວນ 100 ກ່ວາທ່ານ. ຈຸດປະສົງການຈັດກອງປະຊຸມໃນຄັ້ງນິ້ເພື່ອທົບທວນຜົນການດຳເນີນວຽກງານ, ປະເມີນຈຸດແຂງ-ຈຸດອ່ອນ, ຖອດຖອນບົດຮຽນ ແລະ ກຳນົດທິດທາງແຜນການ-ແຜນງານຂອງການພັດທະນາວຽກງານໃນໄລຍະສັ້ນ, ກາງ

ໃນ​ວັນ​ທີ 9 ​ມິຖຸນາ 2026  ກົມ​ມາດຕະຖານ ​ແລະ ວັດ​​ແທກ, ກະຊວງອຸດສາຫະກຳ ແລະ ການຄ້າ ໄດ້ຮ່ວມສະເຫຼີມສະຫຼອງ ” ວັນຮັບຮອງສາກົນ ປະຈຳປີ 2026 (World Accreditation Day 2026)” ເຊິ່ງເປັນວັນສຳຄັນລະດັບສາກົນ ທີ່ອົງການລະຫວ່າງປະເທດວ່າດ້ວຍການຮັບຮອງລະບົບວຽກງານຫ້ອງທົດລອງ (ILAC) ແລະ ຄະນະກຳມະທິການທີ່ປຶກສາດ້ານການຮັບຮອງສາກົນ (IAF) ກຳນົດຂຶ້ນໃນວັນທີ 9 ມິຖຸນາ ຂອງທຸກໆປີ. ສຳລັບປີນີ້, ວັນຮັບຮອງສາກົນ ໄດ້ຖືກຈັດຂຶ້ນພາຍໃຕ້ຫົວຂໍ້ຫຼັກ: “Innovation, Trust and Sustainability: The Power of Accreditation” (ນະວັດຕະກຳ, ຄວາມເຊື່ອໝັ້ນ ແລະ ຄວາມຍືນຍົງ: ພະລັງແຫ່ງການຮັບຮອງ) ເພື່ອສ່ອງແສງໃຫ້ເຫັນເຖິງບົດບາດອັນຊົງພະລັງຂອງວຽກງານການຮັບຮອງ ແລະ ປະເມີນຄວາມສອດຄ່ອງ (Accreditation) ໃນການເປັນຂົວຕໍ່ທີ່ຊ່ວຍຊຸກຍູ້ນະວັດຕະກຳໃໝ່ໆ, ສ້າງຄວາມເຊື່ອໝັ້ນໃນລະບົບເສດຖະກິດ ແລະ ນຳພາໄປສູ່ການພັດທະນາທີ່ຍືນຍົງ. ໃນປັດຈຸບັນ, ພາກທຸລະກິດລ້ວນແຕ່ປະເຊີນກັບສິ່ງທ້າທາຍໃນການເຂົ້າເຖິງຕະຫຼາດ,