ຂ່າວສານ & ກິດຈະກຳ

ໃນລະຫວ່າງວັນທີ 28 ກັນຍາ – 01 ຕຸລາ 2026, ພະນັກງານຂອງສູນວັດແທກແຫ່ງຊາດ, ກົມມາດຕະຖານ ແລະ ວັດແທກ, ກະຊວງ ອຸດສາຫະກໍາ ແລະ ການຄ້າ ເຂົ້າຮ່ວມກອງປະຊຸມຝຶກອົບຮົມກ່ຽວກັບ”ວຽກງານກວດທຽບຊິງຊັ່ງອັດຕະໂນມັດແບບສາຍພານ “ (Training Course on Verification of Automatic Catchweighing Instruments) ເຊິ່ງໄດ້ຈັດຂຶ້ນທີ່ປະເທດມາເລເຊຍ, ພາຍໃຕ້ໂຄງການຮ່ວມມືລະຫວ່າງ ASEAN-PTB 2026. ຈຸດປະສົງ ແມ່ນເພື່ອເປັນການສ້າງຄວາມເຂັ້ມແຂງທາງດ້ານວຽກງານວັດແທກຂອງບັນດາປະເທດສະມາຊິກອາຊຽນ ໃນວຽກງານການກວດທຽບຊິງຊັ່ງອັດຕາໂນມັດແບບສາຍພານ ທີ່ຮັບໃຊ້ໃນຂະບວນການຜະລິດສິນຄ້າ ໃນຂະແຫນງການປຸງແຕ່ງອຸດສາຫະກໍາປະເພດອາຫານ ແລະ ເຄື່ອງດື່ມ, ຮັບໃຊ້ໃນລະບົບຂົນສົ່ງຂອງບໍລິສັດຂົນສົ່ງພັດສະດຸ ແລະ ອື່ນໆ ໂດຍອີງໄສ່ເງື່ອນໄຂ, ຄູ່ມືແນະນໍາຂອງອາຊຽນ ແລະ ເອກະສານ OIML R 51 , ເພື່ອຝຶກປະຕິບັດຂັ້ນຕອນ ແລະ ວິທີການທົດສອບ, ກໍານົດ ແລະ ປະເມີນຄ່າຄາດເຄື່ອນຂອງການຊັ່ງ ທຽບກັບຄ່າຄາດເຄື່ອນສູງສຸດທີ່ອະນຸຍາດ (Maximum

ກົມມາດຕະຖານ ແລະ ວັດແທກ ໄດ້ແຕ່ຕັ້ງໜ່ວຍສະເພາະກິດລົງເຄື່ອນໄຫວວຽກງານກວດສອບລົດບັນທຸກນ້ຳມັນເຊື້ອໄຟ ຢູ່ໃນຂອບເຂດທົ່ວປະເທດ.  ໃນລະຫວ່າງວັນທີ 20 ກັນຍາ 2026 ຫາ 04 ຕຸລາ 2026 ກົມມາດຕະຖານ ແລະ ວັດແທກ ສົມທົບກັບ ພະແນກອຸດສາຫະກຳ ແລະ ການຄ້າແຂວງ ພ້ອມດ້ວຍບັນດາຜູ້ປະກອບການລົດບັນທຸກນ້ຳມັນເຊື້ອໄຟເຂົ້າຮ່ວມ ໄດ້ລົງກວດສອບລົດບັນທຸກນ້ຳມັນເຊື້ອໄຟ 4 ແຂວງພາກໃຕ້ ເຊິ່ງມີ: ແຂວງສາລະວັນ, ແຂວງເຊກອງ, ອັດຕະປື ແລະ ແຂວງຈຳປາສັກ.   ໃນການລົງກວດສອບແມ່ນສາມາດຕໍ່ໃບຢັ້ງຢືນລົດບັນທຸກນ້ຳມັນເຊື້ອໄຟທັງໝົດ 62 ຄັນ, 8 ບໍລິສັດ ດັ່ງນີ້:  ຜ່ານການກວດສອບແມ່ນເຫັນໄດ້ວ່າລົດບັນທຸກນ້ຳມັນເຊື້ອໄຟແມ່ນຢູ່ໃນເກນມາດຕະຖານຕາມລະບຽບການໄດ້ວາງອອກ.

ກົມມາດຕະຖານ ແລະ ວັດແທກ ຊຸກຍູ້ ແລະ ສົ່ງເສີມຜູ້ປະກອບການເຂົ້າເຖິງມາດຕະຖານແຫ່ງຊາດ ເພື່ອຍົກລະດັບສິນຄ້າ ແລະ ສ້າງໂອກາດທາງເສດຖະກິດ ຢູ່ທີ່ແຂວງສະຫວັນນະເຂດ ແຫຼ່ງທີ່ມາ ຂ່າວສານອອນລາຍ/TVsavannakhet

ໃນວັນທີ 04 ກັນຍາ 2026 ກົມມາດຕະຖານ ແລະ ວັດແທກ, ກະຊວງອຸດສາຫະກຳ ແລະ ການຄ້າ ໄດ້ຈັດກອງປະຊຸມປຶກສາຫາລື ກ່ຽວກັບ ການຜ່ານຮ່າງຂໍ້ຕົກລົງວ່າດ້ວຍການປົກປ້ອງຜູ້ຊົມໃຊ້ຂົງເຂດວຽກງານມາດຕະຖານ ແລະ ວັດແທກ ຄັ້ງທີ່ I ຢູ່ທີ່ຫ້ອງປະຊຸມ ຂອງກົມມາດຕະຖານ ແລະ ວັດແທກ ໂດຍການເປັນປະທານຂອງ ທ່ານ ວຽງຄຳ ສິງສອນໄຊ ຮອງຫົວໜ້າກົມມາດຕະຖານ ແລະ ວັດແທກ. ກອງປະຊຸມຈະໄດ້ພ້ອມກັນປຶກສາຫາລື ແລະ ຄົ້ນຄ້ວາປະກອບຄໍາເຫັນໃສ່ຮ່າງຂໍ້ຕົກລົງວ່າດ້ວຍການປົກປ້ອງຜູ້ຊົມໃຊ້ຂົງເຂດວຽກງານມາດຕະຖານ ແລະ ວັດແທກ.      ຂໍ້ຕົກລົງສະບັບນີ້ ກໍານົດຫຼັກການ, ລະບຽບການ ແລະ ມາດຕະການກ່ຽວກັບການຈັດຕັ້ງ ປະຕິບັດວຽກງານ ເພື່ອຄຸ້ມຄອງຜູ້ປະກອບການ ແລະ ປົກປ້ອງຜູ້ຊົມໃຊ້ຜະລິດຕະພັນ, ສິນຄ້າ ແລະ  ການບໍລິການ ຂົງເຂດມາດຕະຖານ ແລະ ວັດແທກໃຫ້ມີຜະລິດຕະພັນ, ສິນຄ້າ ທີ່ມີຄຸນນະພາບ, ຖືກຕ້ອງຕາມລະບຽບການ, ລະບຽບເຕັກນິກ ແລະ ມາດຕະຖານແຫ່ງຊາດ

ໃນວັນທີ 05 ສິງຫາ 2025, ກົມມາດຕະຖານ ແລະ ວັດແທກ ໃນນາມກອງເລຂາ ສະພາມາດຕະຖານແຫ່ງຊາດ ໄດ້ຈັດກອງປະຊຸມປຶກສາຫາລື ຂັ້ນຄະນະກຳມະການເຕັກນິກແຫ່ງຊາດ ດ້ານຜະລິດຕະພັນເຄມີ ໂດຍການເປັນປະທານ ຂອງ ທ່ານ ສາຍທອງ ແພງບຸພາ, ຫົວໜ້າພະແນກລະລະບຽບການ ແລະ ຂຶ້ນທະບຽນປັດໄຈການຜະລິດ, ກົມປູກຝັງ, ກະຊວງກະສິກຳ ແລະ ສິ່ງແວດລ້ອມ ເປັນຫົວໜ້າຄະນະ ພ້ອມດ້ວຍ ຄະນະຜູ້ຊ່ຽວຊານຕາງໜ້າຈາກພາກສ່ວນຕ່າງໆ ທັງພາກລັດ ແລະ ເອກະຊົນ ເຂົ້າຮ່ວມ. ຈຸດປະສົງຂອງກອງປະຊຸມ ແມ່ນ ເພື່ອປຶກສາຫາລືຜ່ານຮ່າງບົດແນະນຳມາດຕະຖານຄວາມປອດໄພໃນການນຳໃຊ້ທາດເຄມີເຮັດຄວາມເຢັນ ທີ່ຕິດໄຟໄດ້. ກອງປະຊຸມໄດ້ມີການປະກອບຄຳເຫັນທາງດ້ານວິຊາການ ຢ່າງກົງໄປກົງມາ ເພື່ອໃຫ້ຮ່າງບົດແນະນຳ ມີເນື້ອໃນຄົບຖ້ວນສົມບູນ. ຈາກນັ້ນ, ກອງປະຊຸມໄດ້ເຫັນດີເປັນເອກະພາບທາງດ້ານຫຼັກການ ແລະ ໄດ້ສະເໜີໃຫ້ກອງເລຂາປັບປຸງເນື້ອໃນບາງສ່ວນ ທີ່ມີຄວາມສຳຄັນຕໍ່ກັບບົດແນະນຳດັ່ງກ່າວ ແລະ ຕອນທ້າຍໄດ້ຮັບຮອງເອົາ ຮ່າງບົດແນະນຳ ມາດຕະຖານຄວາມປອດໄພໃນການນຳໃຊ້ທາດເຄມີເຮັດຄວາມເຢັນ ທີ່ຕິດໄຟໄດ້ ຕາມຂັ້ນຕອນການສ້າງມາດຕະຖານ.

ໃນວັນທີ່ 17 /8/ 2026 ກົມມາດຕະຖານ ແລະ ວັດແທກ, ກະຊວງອຸດສາຫະກຳ ແລະ ການຄ້າ ຮ່ວມກັບ ສະຖາບັນຄົ້ນຄວ້າມາດຕະຖານ ແລະ ເຕັກໂນໂລຊີເຂດປົກຄອງຕົນເອງຊົນເຜົ່າຈ້ວງກວາງຊີ ໄດ້ຈັດພິທີລົງນາມ“ບົດບັນທຶກຄວາມເຂົ້າໃຈ(MOU) ກ່ຽວກັບການຮ່ວມມືດ້ານວຽກງານມາດຕະຖານ”ນຳພາໂດຍ ທ່ານ ສຸກອາລົມ ໂສສຸພັນ, ຮອງຫົວໜ້າກົມມາດຕະຖານ ແລະ ວັດແທກ (ຜູ້ຕາງຫນ້າກົມ) ແລະ ທ່ານ ນາງ ໄຊຊູຜີງ, ຫົວໜ້າສະຖາບັນຄົ້ນຄວ້າມາດຕະຖານ ແລະ ເຕັກໂນໂລຊີ ກວາງຊີ ທັງສອງຝ່າຍໄດ້ຮ່ວມກັນທົບທວນຜົນການຮ່ວມມືທີ່ຜ່ານມາ ລວມມີ : 1) ການສ້າງ ແລະ ແລກປ່ຽນຄວາມຮູ້ດ້ານມາດຕະຖານ ແລະ ເຕັກໂນໂລຊີ ໃນຂົງເຂດກະສິກຳ ແລະ ວັດສະດຸກໍ່ສ້າງ ແລະ ອື່ນໆ ພ້ອມສະຫລຸບຜົນງານຜ່ານມາ ; 2) ການພັດທະນາບຸກຄະລາກອນ ໃນຂົງເຂດມາດຕະຖານ ນອກຈາກນີ້ ທັງສອງຝ່າຍກໍໄດ້ວາງທິດທາງຮ່ວມມືໃນຕໍ່ໜ້າ ເພື່ອແນ່ໃສ່ການຜັນຂະຫຍາຍ MOU ເພີ່ມເຕີມ

ກົມມາດຕະຖານ ແລະ ວັດແທກ ຈັດກອງປະຊຸມປຶກສາຫາລື​ກ່ຽວກັບ ແຜນພັດທະນາພຶ້ນຖານໂຄງລ່າງດ້ານຄຸນນະພາບແຫ່ງຊາດ (National Quality Infrastructure)​ ​ໃນ​​ວັນ​ທີ 17ກໍລະກົດ 2026 ໃນ​ວັນ​ທີ 17 ​ກໍລະກົດ 2026 ກົມ​ມາດຕະຖານ ​ແລະ ວັດ​​ແທກ, ກະຊວງອຸດສາຫະກຳ ແລະ ການຄ້າ ໄດ້ຮ່ວມຈັດກອງປະຊຸມປຶກສາຫາລືກ່ຽວກັບແຜນພັດທະນາພຶ້ນຖານໂຄງລ່າງດ້ານຄຸນນະພາບແຫ່ງຊາດ (National Quality Infrastructure)​. ໃຫ້​ກຽດເປັນປະທານກ່າວ​ເປີ​ດກອງ​ປະຊຸມ​ໂດຍ ທ່ານ ສີສັງຄົມ ໂຄດໂຍທາ ຫົວໜ້າ​             ກົ​ມມາດຕະຖານ ​ແລະ ວັດ​ແທກ, ກະຊວງອຸດສະຫະກຳ ແລະ ການຄ້າ, ພ້ອມດ້ວຍການເປັນປະທານຮ່ວມໂດຍ ທ່ານ  ແຄັສໂຊ ກຣີຊັນ (Mr. Cashel Gleeson)ທ່ານອຸປະທູດ ສະຖານທູດອັງກິດປະຈຳລາວ ແລະ ທ່ານ ກຣາແຮມ ຣັດແຊວ ເອັມບີອີ (Mr. Graham Russell MBE), ຫົວໜ້າຫ້ອງການມາດຕະຖານ ແລະ ຄວາມປອດໄພ ຜະລິດຕະພັນ ແຫ່ງປະເທດອັງກິດ(OPSS-BSI) ຜູ້ເຂົ້າຮ່ວມຈາກທັງພາກລັດ ແລະ ເອກະຊົນທີ່ກ່ຽວຂ້ອງ. ກອງປະຊຸມໃນຄັ້ງນີ້ກົມ​ມາດຕະຖານ ​ແລະ ວັດ​​ແທກ, ກະຊວງອຸດສາຫະກຳ ແລະ ການຄ້າ ໃນນາມເປັນຂະແຫນງການທີ່ຮັບຜິດຊອບຈັດຕັ້ງປະຕິບັດແຜນງານການພັດທະນາວຽກງານມາດຕະຖານ ແລະ ຄຸນນະພາບ ພາຍໃຕ້ຄະນະກຳມະທິການທີ່ປຶກສາດ້ານມາດຕະຖານ ແລະ ຄຸນນະພາບອາຊຽນ (ACCSQ) ໃນແຜນງານການເຊື່ອມຈອດປະຊາຄົມເສດຖະກິດອາຊຽນ ໂດຍໄດ້ຮັບການສະຫນັບສະຫນູນຈາກກອບການຮ່ວມມື  ASEAN-UK Economic intergration programme (EIP) ຕາມແຜນງານຂອງ ( Regulatory Reform