ທ່ານ ວຽງທອງ ວົງທະວິໄລ ຫົວຫນ້າ ກົມມາດຕະຖານ ແລະ ວັດແທກ ກະຊວງວິທະຍາສາດ ແລະ ເຕັກໂນໂລຊີ ພ້ອມຄະນະກົມ ນຳພາອ້າຍເອື້ອຍນ້ອງພະນັກງານພາຍໃນກົມ ເຄື່ອນໄຫວສ້າງກິດຈະກຳແບ່ງປັນນໍ້າໃຈມອບອຸປະກອນທີ່ຈຳເປັນໃນການຮໍ່າຮຽນໃຫ້ແກ່ນ້ອງນັກຮຽນ ໂຮງຮຽນ ປະຖົມສົມບູນ ຜາຫລວງ ເຂດເມືອງເຟືອງ ແຂວງວຽງຈັນ ເຊີ່ງໂຮງຮຽນດັ່ງກ່າວແມ່ນຢູ່ໃນເຂດຮ່າງໄກສອກຫລີກ ແລະ ມີຄວາມຈຳເປັນພໍສົມຄວນ ນ້ອງນັກຮຽນຈຳນວນໜື່ງຍັງຂາດເຂີນເຄື່ອງນັກຮຽນ ແລະ ອຸປະກອນຮໍ່າຮຽນຫລາຍຢ່າງ ເພື່ອປະຕິບັດຕາມແນວທາງນະໂຍບາຍຂອງພັກລັດຂັ້ນເທີງໃນການສົ່ງເສີມທາງດ້ານການສຶກສາເພີ່ມໂອກາດໃນການເຂົ້າເຖີງການສຶກສາຮໍ່າຮຽນໃຫ້ນ້ອງໆໄດ້ມີສີ່ງອຳນວຍຄວາມສະດວກຄົບຖ້ວນ ແລະ ໃຫ້ເຫັນໄດ້ເຖີງຄວາມສຳຄັນຂອງການສຶກສາ.
ເຊີ່ງອຸປະກອນການສຶກສາທີ່ນຳມາມອບໄດ້ແກ່ ປື້ມຂຽນ ຈຳນວນ 1.250 ຫົວ, ບິກຂຽນ ຈຳນວນ 960 ກ້ານ, ຖົງກະເປົາ ຈຳນວນ 52 ຫນ່ວຍ, ສໍດຳ ຈຳນວນ 960 ກ້ານ, ຢາງລຶບ ຈຳນວນ 240 ອັນ,ໂຮງແຫລມສໍ ຈຳນວນ 224 ອັນ,ໄມ້ບັນທັດ ຈຳນວນ 70 ອັນ ແລະ ອຸປະກອນກິລາ+ຊຸດກິລາ ຈຳນວນຫນື່ງ ລວມເປັນມູນຄ່າທັງຫມົດແມ່ນ 17.200.000 ກີບ ເຊີ່ງມອບຮັບໂດຍກົງໃຫ້ແກ່ນັກຮຽນທັງໝົດ.
ທາມກາງບັນຍາກາດການຕ້ອນຮັບອັນອົບອຸ່ນຂອງບັນດາຄູອາຈານ ແລະ ນ້ອງນັກຮຽນ ໃນໂອກາດນີ້ ທ່ານ ຮັກສະຫັວນ ເກົາທໍ້ ເຊີ່ງເປັນຜູ້ອຳນວຍການໂຮງຮຽນດັ່ງກ່າວ ກໍ່ໄດ້ຕາງຫນ້າໃຫ້ແກ່ຄູອາຈານ ແລະ ນ້ອງນັກຮຽນ ສະແດ່ງຄວາມຂອບອົກຂອບໃຈຕໍ່ກັບການແບ່ງປັນນໍ້າໃຈຊ່ວຍເຫລືອໃນຄັ້ງນີ້ ແລະ ໄດ້ອວຍພອນໄຊໃຫ້ແກ່ຄະນະນຳກົມ ແລະ ບັນດາອ້າຍເອື້ອຍນ້ອງພະນັກງານທັງຫມົດຈົ່ງມີແຕ່ຄວາມພາສຸກ ປະສົບຜົນສຳເລັດສົມຄວາມມຸ້ງມາດປາດຖະຫນາທຸກປະການ ຂໍໃຫ້ສືບຕໍ່ໃນການສ້າງກິດຈະກຳດີໆແບບນີ້ສືບຕໍ່ໄປເລື້ອຍໆ…
ກິດຈະກຳດັ່ງກ່າວໄດ້ມີຂື້ນໃນວັນທີ 13 ກັນຍາ 2019
DCIM100GOPROGOPR0333.JPG
ບົດຂ່າວ: ທ ພຸດທະຈັນ ຊັບທະວີ
ຮູບພາບ: ທ ອໍລະຊຸນ ມະນີ
