ໃນທ້າຍອາທິດຂອງວັນທີ 15 ພະຈິກ 2019 ນີ້ ທາງຄະນະນຳກົມ ໄດ້ນຳພາອ້າຍເອື້ອຍນ້ອງພະນັກງານພາຍໃນ ກົມມາດຕະຖານ ແລະ ວັດແທກ ສຸມໃສ່ພ້ອມກັນສ້າງຂະບວນການອອກແຮງງານລວມເພື່ອເປັນການຄຳນັບຮັບຕ້ອນ ກອງປະຊຸມໃຫຍ່ຄັ້ງທີ II ອົງຄະນະພັກ ກະຊວງ ວິທະຍາສາດ ແລະ ເຕັກໂນໂລຊີ ທັງເປັນການຊົມເຊີຍຜົນສໍາເລັດກອງປະຊຸມໃຫຍ່ຄັ້ງທີII ຂອງໜ່ວຍພັກກົມມາດຕະຖານ ແລະ ວັດແທກ ແລະ ຄໍານັບຮັບຕ້ອນວັນຊາດ ທີ 2 ທັນວາຄົບຮອບ 44 ປີ ທີ່ຈະມາເຖີງນີ້. ເຊີ່ງໄດ້ມີການອະນາໄມທຳຄວາມສະອາດເຄຫາສະຖານ ອ້ອມຮອບຂອບເຂດກົມຂອງຕົນ ເປັນຕົ້ນການທາສີກໍາແພງຄືນໃໝ່ ພ້ອມປະດັບປະດາດ້ວຍທຸງຊາດ, ທຸງພັກ, ທຸງທິວ ຕິດປ້າຍຄຳຂັວນ ໃຫ້ມີບັນຍາກາດ ເບີກບານມ່ວນຊື່ນ, ຟົດຟື້ນ ແລະ ມີຄວາມໝາຍຄວາມສຳຄັນຍິ່ງຂຶ້ນ.
ຮູບພາບ ແລະ ບົດຂ່າວ: ທ ພຸດທະຈັນ ຊັບທະວີ
