ໃນວັນທີ 22/11/2019 ສປປລາວ ກົມມາດຕະຖານ ແລະ ວັດແທກ ໄດ້ມີການມອບຮັບເຄື່ອງມືອຸປະກອນໃນການກວດສອບສິນຄ້າຫຸ້ມຫໍ່ຂື້ນ ທີ່ຫ້ອງປະຊຸມກົມມາດຕະຖານ ແລະ ວັດແທກໂດຍເປັນກຽດການຮັບເຄື່ອງມືອຸປະກອນວັດແທກໃນການກວດສອບສິນຄ້າຫຸ້ມຫໍ່ໂດຍ ທ່ານ ກະດິງທອງ ສິງດາລາ, ຫົວໜ້າ ສູນວັດແທກ, ກົມມາດຕະຖານ ແລະ ວັດແທກ,ກະຊວງວິທະຍາສາດ ແລະ ເຕັກໂນໂລຊີ ແລະ ພ້ອມມີຜູ້ຕາງໜ້າຂອງ ໂຄງການ ສ້າງຄວາມເຂັ້ມແຂງໃຫ້ແກ່ວຽກງານມາດຕະຖານ ແລະ ວັດແທກ ຈາກ ສ.ເກົາຫຼີ (ISCP) ເປັນຜູ້ມອບເຄື່ອງດັ່ງກ່າວ ແລະ ມີບັນດາຄະນະກົມ, ຫົວໜ້າພະແນກ, ຫົວໜ້າສູນ ແລະ ພະນັກງານວິຊາການພາຍໃນກົມເປັນສັກຂີພິຍານໃນການມອບເຄື່ອງມືອຸປະກອນກວດສອບສິນຄ້າຫຸ້ມຫໍ່ໃນຄັ້ງນີ້
ຈຸປະສົງ: ຂອງການມອບເຄື່ອງມືອຸຸປະກອນວັດແທກ ໃນການກວດສອບສິນຄ້າຫຸ້ມຫໍ່ ເພື່ອເປັນການກຽມຄວາມພ້ອມໃນການເຄື່ອນໄຫວວຽກງານໃນການຈັດຕັ້ງປະຕິບັດຕົວຈິງຂອງວຽກງານການກວດສອບສິນຄ້າຫຸ້ມຫໍ່ ໃນ ສປປລາວ ໃຫ້ມີຄວາມຖືກຕ້ອງ ແລະ ສອດຄ່ອງກັບລະບຽບການ ຂອງບັນດາປະເທດສະມະຊິກອາຊ່ຽນໃນພາກພື້ນ ແລະ ສາກົນ ໃນນັ້ນເຄື່ອງມືດັ່ງກ່າວປະກອບມີ
| No | Equipments | specification | Quantity |
| 1 | Electric weighing scale Model | Model CUX-2200HX
0.01 g – 2200g |
1 |
| 2 | working standard weights | 1kg F1 class
100g F1 class |
2
2 |
| 3 | Thermometers hygrometers | 1) (0-50)0C readability 0.1 0C
2) Relative humidity(20-100)% RH Readability 1% Model testo 610 |
2 |
| 4 | Balance for volume analysis | Model CUX 2200HX
0.01 g – 2200 g |
1 |
| 5 | Specific gravity | 0.700 – 1.850 | 1 set |
| 6 | Thermometer for liquids | (0 – 50) 0C + 0.1 0C Model testo 103 | 2 |
| 7 | Cylinder | 100 ml, 250 ml, 500ml | 2 set |
ສະນັ້ນ, ທາງກົມໄດ້ມີ ໂຄງການ ສ້າງຄວາມເຂັ້ມແຂງໃຫ້ແກ່ວຽກງານມາດຕະຖານ ແລະ ວັດແທກ ຈາກ ສ.ເກົາຫຼີ ຊຶ່ງໄດ້ໃຫ້ການຊ່ວຍເຫຼືອລ້າ ທາງດ້ານເຄຶ່ອງມືອຸປະກອນວັດແທກ ໃນການກວດສອບສິນຄ້າຫຸ້ມຫໍ່ ໃຫ້ແກ່ ສູນວັດແທກ ເປັນມູນຄ່າທັງໝົດ 1.840 ໂດລາສະຫະລັດອາເມລິກາ ເພື່ອເປັນການສົ່ງເສີມສ້າງຄວາມອາດສາມາດສໍາລັບໃນການຕຽມຄວາມພອ້ມ ລົງກວດສອບສິນຄ້າຫຸ້ມຫໍ່ດັ່ງກ່າວໃນທົ່ວປະເທດ ແລະ ເປັນການປົກປ້ອງສິດຜົນປະໂຫຍດຂອງຜູ້ປະກອບການ ແລະ ຜູ້ຊົມໃຊ້ພາຍໃນ ສປປ ລາວ ໃຫ້ມີຄວາມໂປ່ງໃສ ແລະ ຍຸດຕິທໍາ
ຮູບພາບ: ວິໄລລັກ ອອ່ນສີພັນລາ
ບົດຂ່າວ: ສູນວັດແທກ
