ກົມມາດຕະຖານ ແລະ ວັດແທກ ໄດ້ເຂົ້າຮ່ວມ ກອງປະຊຸມທາງໄກ ຂອງ ຄະນະກຳມະທິການທີ່ປຶກສາດ້ານມາດຕະຖານ ແລະ ຄຸນນະພາບ ອາຊຽນ ຄັ້ງທີ 53 (The 53th ACCSQ) ໃນລະຫວ່າງວັນທີ 13-14 ກໍລະກົດ 2020 ທີ່ຫ້ອງປະຊຸມຂອງກົມມາດຕະຖານ ແລະ ວັດແທກ, ເຊີ່ງຈັດຂື້ນໂດຍກອງເລຂາອາຊຽນ ພາຍໃຕ້ການເປັນປະທານຂອງ ສສ ຫວຽດນາມ, ໂດຍມີ 10 ປະເທດສະມາຊິກອາຊຽນເຂົ້າຮ່ວມ ຈຸດປະສົງແມ່ນເພື່ອສືບຕໍ່ ປຶກສາຫາລືໃນການເຊື່ອມໂຍງວຽກງານມາດຕະຖານ ແລະ ຄຸນນະພາບ ທັງຍັງເປັນໂອກາດອັນດີທີ່ຈະໄດ້ປຶກສາຫາລືໃນການຮ່ວມມືກັບບັນດາຄູ່ຮ່ວມມືທັງອາຊຽນ, ພາກພຶ້ນ ແລະ ສາກົນ ອີກດ້ວຍ
