ໃນວັນທີ 17 ກໍລະກົດ 2020 ສູນວັດແທກ, ກົມມາດຕະຖານ ແລະ ວັດແທກ ໄດ້ສົມທົບກັບພະແນກວິທະຍາສາດ ແຂວງ ວຽງຈັນ ລົງຕິດຕາມກວດສອບປະລິມານສຸດທິບັນຈຸໃນສິນຄ້າຫຸ້ມຫໍ່ປະເພດ ແກ໊ສຫູງຕົ້ມຂອງໂຮງງານ ສອນຈະເລີນແກ໊ສ ຕັ້ງຢູ່ບ້ານ ນາກ່ຳ ເມືອງ ໂພນໂຮງ ແຂວງວຽງຈັນ. ເຊີ່ງໄດ້ທຳການກວດສອບ ດ້ວຍການຊັ່ງນໍ້າໜັກປະລິມານສຸດທິບັນຈຸຂອງແກ໊ສຫູງຕົ້ມ ຂະຫນາດ 15ກິໂລ ແລະ 48ກິໂລ ເຫັນວ່າ ບໍລິມາດທີ່ບັນຈຸແມ່ນໄດ້ຕາມມາດຕະຖານທີ່ກຳນົດໄວ້.
ເຊີ່ງໃນຕອນບ່າຍຂອງມື້ດຽວກັນກໍ່ໄດ້ສືບຕໍ່ລົງຕິດຕາມກວດສອບປະລິມານສຸດທິບັນຈຸໃນສິນຄ້າຫຸ້ມຫໍ່ປະເພດ ເກືອ ຢູ່ທີ່ໂຮງງານຜະລິດເກືອບ້ານບໍ່ກາເພັດ ຕັ້ງຢູ່ ບ້ານ ບໍ່ ເມືອງ ທຸລະຄົມ ແຂວງ ວຽງຈັນ ທາງຄະນະກຳມະການໄດ້ກວດສອບ ເກືອຂະໜາດບັນຈຸ 1 ກິໂລ ເຫັນວ່າບໍລິມາດ ແລະ ປະລິມານທີ່ບັນຈຸ ແມ່ນໄດ້ນ້ຳຫນັກເຕັມຕາມມາດຕະຖານທີ່ກຳນົດໄວ້.
ໃນການລົງກວດສອບໃນຄັ້ງນີ້ກໍ່ເພື່ອປະຕິບັດຕາມ ລະບຽບການ, ຫຼັກການກວດສອບສິນຄ້າຫຸ້ມຫໍ່ ແລະ ມາດຕະການກ່ຽວກັບການຄຸ້ມຄອງ, ກວດສອບຜະລິດຕະພັນ ແລະ ສິນຄ້າຫຸ້ມຫໍ່ທີ່ຜະລິດ, ນຳເຂົ້າ, ສົ່ງອອກ ແລະ ຈຳໜ່າຍຢູ່ ສປປ ລາວ ໃຫ້ຖືກຕ້ອງຕາມລະບຽບການທີ່ກຳນົດໃວ້ ຢູ່ ສປປ ລາວ ແລະ ສາກົນ ເພື່ອສ້າງເງື່ອນໄຂອັນສະດວກໃນການຊື້-ຂາຍ, ແນໃສ່ເຮັດໃຫ້ສັງຄົມມີຄວາມຍຸດຕິທຳ, ປອດໄພ ແລະ ມີຄວາມເປັນເອກະພາບໃນການຈັດຕັ້ງປະຕິບັດ ໃນຂອບເຂດທົ່ວປະເທດ ແລະ ເຊື່ອມໂຍງກັບຫຼັກການກວດສອບຂອງພາກພື້ນ ແລະ ສາກົນ, ເພື່ອບໍ່ໃຫ້ເອົາປຽບລະຫວ່າງຜູ້ຊື້ ແລະ ຜູ້ຂາຍ ແລະ ລະຫວ່າງໂຮງງານກັບໂຮງງານ.
ຮູບພາບ ແລະ ບົດຂ່າວ: ສູນວັດແທກ
