ໃນຕອນບ່າຍວັນທີ 9 ກັນຍາ 2022 ທີ່ຫ້ອງປະຊຸມກົມມາດຕະຖານ ແລະ ວັດແທກ ໄດ້ຈັດພິທີຮັບມະຫາຊົນກ້າວໜ້າເຂົ້າເປັນສະມາຊິກພັກສຳຮອງຈຳນວນ 05 ສະຫາຍ ແລະ ເລື່ອນສະມາຊິກພັກສຳຮອງຂື້ນເປັນສະມາຊິກພັກສົມບູນຂອງພັກປະຊາຊົນປະຕິວັດລາວຈຳນວນ 10 ສະຫາຍ,ໃຫ້ກຽດເຂົ້າຮ່ວມ ແລະ ເປັນປະທານຂອງ ສະຫາຍ ວຽງທອງ ວົງທະວິໄລ ຄະນະບໍລິຫານງານພັກກະຊວງອຸດສາຫະກຳ ແລະ ການຄ້າ, ເລຂາຄະນະໜ່ວຍພັກກົມມາດຕະຖານ ແລະ ວັດແທກ, ມີຮອງເລຂາໜ່ວຍພັກ, ເລຂາໜ່ວຍພັກຫ້ອງການກະຊວງ, ກົມຈັດຕັ້ງ ແລະ ພະນັກງານ, ກົມກວດກາ, 3 ອົງການຈັດຕັ້ງມະຫາຊົນ ພ້ອມດ້ວຍສະມາຊິກພັກສຳຮອງ ແລະ ສົມບູນພາຍໃນໜ່ວຍພັກກົມມາດຕະຖານ ແລະ ວັດແທກເຂົ້າຮ່ວມ.
ໃນພິທີຄະນະຈັດຕັ້ງກ່າວຈຸດປະສົງແລ້ວ ສະຫາຍ ນາງ ນິສິດ ຄຳມູນເຮືອງ ຮອງເລຂາໜ່ວຍພັກກົມມາດຕະຖານ ແລະ ວັດແທກໄດ້ຂື້ນຜ່ານມະຕິຕົກລົງຂອງຄະນະບໍລິຫານງານພັກກະຊວງອຸດສາຫະກຳ ແລະ ການຄ້າ ວ່າດ້ວຍການຮັບມະຫາຊົນກ້າວໜ້າເຂົ້າເປັນສະມາຊິກພັກສຳຮອງ ແລະ ມະຕິຕົກລົງວ່າດ້ວຍການເລື່ອນສະມາຊິກພັກສຳຮອງຂື້ນເປັນສະມາຊິກພັກສົມບູນຂອງພັກປະຊາຊົນປະຕິວັດລາວ, ຈາກນັ້ນ ສະຫາຍປະທານກໍ່ໄດ້ຂື້ນຮັບເອົາມະຫາຊົນກ້າວໜ້າເຂົ້າເປັນສະມາຊິກພັກສຳຮອງ ແລະ ມອບຂໍ້ຕົກລົງ ແລະ ປື້ມກົດລະບຽບຂອງພັກ, ຈາກນັ້ນ ສະຫາຍປະທານໄດ້ມີຄຳເຫັນຕໍ່ພິທີ ກ່ອນອື່ນສະຫາຍໄດ້ສະແດງຄວາມຊົມເຊີຍຕໍ່ສະມາຊິກພັກສຳຮອງ ແລະ ສະມາຊິກພັກສົມບູນໃໝ່ທີ່ໄດ້ຝຶກຝົນຫຼໍ່ຫຼອມຕົນເອງໃນການທົດສອບໃນການປະຕິບັດໜ້າທີ່ວຽກງານວິຊາສະເພາະ ແລະ ວຽກງານທີ່ຖືກມອບໝາຍໄດ້ມີຜົນສຳເລັດໃຫ້ສະມາຊິກພັກໃໝ່ຈົ່ງເອົາໃຈໃສ່ປະຕິບັດກົດລະບຽບຂອງພັກໃຫ້ໄດ້ດີ.
